ⓘ Komsomolsk aan die Amoer

                                     

ⓘ Komsomolsk aan die Amoer

Komsomolsk aan die Amoer is ’n stad in Chabarofsk-krai, Rusland. Dit is aan die linkeroewer van die Amoer-rivier gelee. Die bevolking in 2014 was 254 934.

                                     

1. Geografie en klimaat

Komsomolsk en sy voorstede strek 30 km ver aan die linkeroewer van die Amoer-rivier. Die rivier is by dié punt tot 2.5 km breed. Die stad is 356 km van die krai se hoofstad, Chabarofsk, gelee en sowat 300 km van die Stille Oseaan af. Die naaste ander groot stad is Amoersk, sowat 45 km na die suide.

Temperature kan wissel met tot 50 ºC deur die jaar, met ’n gemiddelde dagtemperatuur van -29 ºC in Januarie en 26 ºC in Julie.

                                     

2. Geskiedenis

Die terrein waar Komsomolsk vandag lê, is in die 13de eeu deur Mongole verower. Dit het toe deel van die Mongoolse Ryk geword en in 1858 deel van die Russiese Ryk.

In 1860 is die dorpie Permskoje Пе́рмское daar gestig. In 1931 het die Sowjet-regering aangekondig dat dit skeepswerwe daar wil bou. Bouwerk het in 1932 begin. Vrywilligers van Komsomol, die jeugliga van die Kommunistiese Party, is grootliks gebruik om die stad te bou, vandaar die naam. Baie Goelag-gevangenes in die gebied is egter ook ingespan. Die agtervoegsel "aan die Amoer" is later bygevoeg om dit te onderskei van ander dorpe met dieselfde naam.

Sedert die einde van die 1930s het die stad ontwikkel in ’n streeksentrum vir nywerhede soos skeepsbou, metallurgie en olieraffinadery.

                                     

3. Eksterne skakels

  • Sport in Komsomolsk aan die Amoer
  • Wikimedia Commons het meer media in die kategorie Komsomolsk aan die Amoer.
  • Hierdie artikel is vertaal uit die Engelse Wikipedia